Protesta Jaurlaritzara sartu du LABek

LABeko kideak Jaurlaritza eraikin barruan protestan.
LABeko kideak Jaurlaritza eraikin barruan protestan. JAIZKI FONTANEDA / FOKUA

Berria -

2019ko otsailak 12
Elkarrizketa Sozialaren Mahaiaren aurkako jarreran, hitzetatik harago ekintzara jotzea erabaki zuen LABek. Bilera hastera zihoala, sindikatuko 30en bat kide Eusko Jaurlaritzako egoitzaren barrura sartu ziren, eta «Langileoi iruzurrik ez. Demokrazia!» zioen pankarta zabaldu zuten, sirena hotsek lagunduta. Segurtasuneko langileak ez aurrera ez atzera gelditu ziren, ahalik eta Ertzaintza bertaratu zen arte. Eraikina uzteko eskatu, eta kanpora irten ziren LABeko kideak.

Han jarraitu zuten protesta. «Mahai hau iruzur hutsa da», kexu zen Xabier Ugartemendia LABeko ordezkaria. «Ez du langileen egoera kontuan hartzen, eta baldintzak hobetzeko ez du ezer egin nahi». Mahaiari leporatu zion Confebasken «prekaritatea zabaltzeko plana» hedatzea, eta «Urkulluren neurri neoliberalak» zuritzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna