Arkaitz Estiballes
Jaio: Galdakao (Bizkaia), 1977.Ibilbidea: Oraingo txapelduna. Birritan
jantzi du Bizkaiko txapela, 2010ean eta
2012an. 2000tik final guztietan egon da.
«Jende asko dago txapela janzteko gogoz, baina ni ere berriki etxez aldatu naiz, horma handi bat daukat han eta bi txapelek ez didate ondo betetzen, beraz, hirugarrena ere lortzen saiatuko gara.»
Etxahun Lekue
Jaio: Larrabetzu (Bizkaia), 1979.Ibilbidea: Bizkaiko sei txapelketatan
izan da finalista, eta bitan bigarren
gelditu zen.
«Saio on bat egiteko gogoz nago, nahiko gorputzaldi onarekin. Finalerdietan gustura aritu nintzen, eta nire asmoa da orduan eman nuen maila finalean berriro ematea. Behin hori lortuz gero, datorrena datorrela».
Fredi Paia
Jaio: Getxo (Bizkaia), 1981.Ibilbidea: 2000 urtetik Bizkaiko
Txapelketa guztietan iritsi da finalera.
Duela bi urte hirugarren gelditu zen.
«Aurtengo leloa josi izango zela jakin nuenean, txapelketa honetarako estrategia bururatu zitzaidan: Jose Mari zapatalari izeneko kantuan badago pasarte bat, «kolpe, kolpe, kolpeka, josi eta josi» dioena. Horixe da zapatuan egiten ahaleginduko naizena».
Iratxe Ibarra
Jaio: Markina-Xemein (Bizkaia), 1974.Ibilbidea: 2000. urtetik Bizkaiko
Txapelketa guztietan iritsi da finalera.
«Finalerdietan egindako lanarekin pozik nago, baina badakit egun guztiak desberdinak izaten direla. Ilusio berezia egingo lidake Kristina Mardarasek txapela ipintzeak; sailkatutakoen artean bakarretakoa naiz Kristinarekin batera plazan kantatutakoa ».
Jone Uria
Jaio: Getxo (Bizkaia), 1990.Ibilbidea: 2010 eta 2012an finalista izan
zen Bizkaiko Bertsolari Txapelketan.
Euskal Herriko Txapelketan ere aritua da,
2009an eta 2013an.
«Finalean beti ibili naiz lasaiago finalerdietan baino, eta espero dut aurten ere horrela ibiltzea. Nik behintzat Bizkaiko txapela janzten duen lehenengo emakumea izateko ahalegina egingo dut».
Oihana Bartra
Jaio: Bilbo, 1984.Ibilbidea: Lehenengo aldiz sailkatu da
Bizkaiko Bertsolari Txapelketako
finalerako.
«Gogoz egoteaz gain, pozez beterik ere banago. Nire lehenengo finala izango da, aurrekoetan beti egon naizelako finalaren ateetan. Beraz, aurten pozez nago, eta poz hori transmititzeko gogoz ere bai».
Onintza Enbeita
Jaio: Muxika (Bizkaia), 1979.Ibilbidea: 2006an iritsi zen lehenengo
aldiz Bizkaiko Txapelketako finalera, eta
geroztik antolatu diren final guztietan
egon da.
«Duela bi urte baino ilusio handiagoarekin ikusten dut nire burua, hankak lurrean hobeto finkatuta. Bizitzan behin irabaztekotan, luxu handia izango litzateke Kristina Mardarasek txapela ipintzen duen urtean irabaztea».
Xabat Galletebeitia
Jaio: Lekeitio (Bizkaia), 1986.Ibilbidea: Lehenengo aldiz sailkatu da
Bizkaiko Bertsolari Txapelketako
finalerako.
«Niretzat saria da hemen egotea. Txapelketan ondo pasatzea zen nire helburua, hori transmititzea lortu dudala uste dut, eta finalean ere tarteka bada ere ondo pasatzea eta ondo pasaraztea lortzen badut pozik irtengo naiz».