Sanchez Gasteizera etorriko da martxoaren 4an

Pedro Sanchez Espainiako Gobernuko presidenteak Terrorismoaren Biktimen Memoriarako Gasteizko Zentroak antolaturiko ekitaldi batean parte hartuko du heldu den martxoaren 4an, Espainiako Barne Ministerioak atzo jakinarazi zuenez. ETAren eta GRAPOren armak suntsituko dituen «ekitaldi sinboliko» bat antolatu du zentroak egun horretarako. Milatik gora arma dira «sinbolikoki» suntsitzekoak.