Aurrekontuen proiektua onartu du Moncloak

Espainiako Gobernuko Ministro Kontseiluak ontzat jo zuen 2019rako Pedro Sanchezek eginiko aurrekontu proposamena. Iazko aurrekontuen aldean, %5,1 handiagoa da gastu publikoa, 472.660 milioi eurokoa; era berean, gobernuak kalkulatu du diru sarrerak %9,2 handiagoak izango direla, 154.675 milioi eurokoak, behin autonomia erkidegoei baliabideak banatu eta gero.

Esate baterako, menpekotasun egoeran dauden pertsonentzako neurrietara bideratutako diru sortak %59ko igoera izango du, 2.232 milioi eurora arte. Edonola ere, herren jaiotako aurrekontu proposamena da, ez daukalako ziurtatuta gehiengo politikoaren babesa Espainiako Kongresuan.