KRONOLOGIA

Urte asko behar izan dira Donostian autobus geltoki bat eraikitzeko egitasmoa gauzatzeko. Horra erabakigarriak izan diren hainbat mugarri:

1993. Amara auzoko Pio XII.aren plazan autobusen nasak jarri zituzten. «Behin-behineko» konponbidetzat jo zen.

2000. Beste hainbat egitasmo alboratu, eta geltokia Loiolako Erriberan eraikitzearen alde egin zuten PSE-EEk, EHk eta EAJ-EA koalizioak.

2007. Odon Elorza alkateak geltokia Atotxan egitea proposatu zuen; EAJk eta PPk ez zuten ontzat jo aldaketa.

2011. Atotxako lanak geratu zituen Bilduk, udalera iritsi ostean. Egitasmoa Loiolako Erriberan egitea hobetsi zuen.

2012. EAJk, PSEk eta PPk bat egin zuten Atotxako proiektua berreskuratzeko.

2016 urtarrilaren 14a. Dena inauguraziorako prest zegoela esan zuten goizean; arratsaldean, oraindik ezin zela.