HIZPIDEAK

«Zerutik», lurrera

Iñaki Petxarroman -

2019ko apirilak 23
Podemosen lehen kongresuan Pablo Iglesiasek esandako esaldi bat jaso zuten hedabide guztiek titulu handietan: «Zerua ez da kontsentsu bidez lortzen, baizik eta eraso bidez». Kastako alderdiekin —PSOErekin, bereziki— hitzarmenak egitearen aldekoak ziren sektoreentzako abisua zen, Karl Marxek erabilitako kontzeptua ahotan hartuta.

Indarra zuen Podemosek orduan. Berritasunaren eta hizkera kutsatu gabearen dohaina. Kastatzat jo zituen PP eta PSOE, eta gogor gaitzetsi zituen banketxeak salbatu eta 1978ko erregimenaren oinarri ziren alderdi sistemikoak. Krisiaren gogorrak jotako herritarrengana alternatiba gisa heldu ziren haren esloganak. Eta boto zaparrada bat jaso zuten trukean, kongresuko alderdirik indartsuenetan hirugarren bilakatzeraino.

Barne zatiketek, baina, kalte handia egin diote Podemosi. Eta igandeko hauteskundeak zirt edo zart egiteko unea izango dira eurentzat. Orain, izatekotan ere, kastako alderdi batekin adostuta lortu beharko dute zerua. Inkestek iragarritakoaren arabera, argaltze nabarmena izango baitu alderdi moreak. Euskal Herriaren autodeterminazio eskubidea babesten dutenentzat, ordea, ezin liteke albiste pozgarritzat jo Podemosen amiltzea, haren kontraesan guztiak barne, nazio aniztasuna eta herrien erabakitze eskubidea aitortzen duen estatu mailako alderdi bakarra delako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna