HIZPIDEAK

Abusuen itzala laburtzen

Mikel P. Ansa -

2019ko martxoak 19
Erlijio erakundeei lotutako eskolek urrats bat egin dute. Adingabeen kontrako sexu abusuak atzemateko eta tratatzeko protokolo bat adostu dute. Premiazko neurri batzuk zerrendatu dituzte, eskolek horrelako kasuetan nola jokatu behar duten argi eta garbi zehaztuz paperaren gainean. Esaterako, protokoloak aipatzen du salaketa jasotako hezitzailea adingabeengandik apartatu egingo dutela —ikerketa egin artean, eta beti errugabetasun presuntzioa gordez—. Esatea bera seinale ere bada; halako salaketak jasotako irakasle batzuk lanetik apartatu izan ez diren seinale. Delituak preskribatu arren, edo abusatzailea hilda egon arren, kasua besterik gabe ez baztertzeko ere esaten du protokoloak; biktimei arreta emateko. Eta beti fiskaltzara jotzea ere agintzen du protokolo berriak, baita hedabideetara ohar bat bidaltzea ere, gertaerak azaldu eta barkamenak eskatzeko.

Eskola erlijioso bakoitza bat da; bakoitzak izan du bere bilakabidea, eta ez dute zerikusi handirik euren artean. Sexu abusuak tratatzeko eran ere alde handiak eduki dituzte. Hori argi edukita ere, begi bistakoa da eskola kristau batzuek kristautik gehiago eduki dutela eskolatik baino: abusatzailea babestera jo dute —Elizako hierarkiak egin duen gisan—, eta adingabeak babesten elbarriago ibili dira. Protokoloak berak seinalatzen ditu gabeziak. Baina inoiz ez da berandu okerrak zuzentzeko, eta eskola batzuk hasiak daude horretan: abusuek gero eta itzal laburragoa izan dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna