Biodiesela ekoizteko jarduera bazter utzi du autogintzaren osagaien euskal konpainia handienak. CIE Automativek bioerregaia ekoizteko zituen planta biak saldu ditu, bata Araban (Berantevilla) eta bestea Andaluzian (Huelvan). Gunvor Group taldeak erosi dizkio biak, eta operazioa 13,6 milioi euroren truke itxi dute.
«Dominionetik atera ondoren, 2018ko uztailean, operazio honek ahalbidetuko digu gure negozio nagusian indar guztiak jartzea. Gure ahalegin guztiak ipiniko ditugu marjina eta sarrera handiak dituen negozioan, autogintzan. Sektore horretan hazten jarraitu nahi dugu, gure ereduari jarraipena ematen». Jesus Maria Herrera kontseilari ordezkariak garbi utzi du buru-belarri sartuko direla betiko negozioan, autogintzaren ekoizle handien hornitzaile gisa.
2018 amaieran, dagoeneko, bioerregaiaren planta biak geldirik zeuden, eta salgai.
CIE Automotivek bioerregaiaren negozioa utzi du
Iruzkinak
Ez dago iruzkinik
Ordenatu
