Gestampekin hizketan ari da Jaurlaritza

Eusko Jaurlaritza Gestampekin lanean ari da «kaleratzeak edo itxierak ez diren neurriak» har ditzan Matriceria Deuston eta GTSn. Azalpena Arantxa Tapia Ekonomia Garapen eta Azpiegituretako sailburuak eman zuen, atzo, parlamentuan. Gestampek 230 langile kalean utziko lituzkeen erregulazio espediente bat eskatu du, eta Jaurlaritza «akordiorik» onena lortzen saiatuko da. Bi enpresetako langileek protestaldia egin zuten parlamentuko kanpo aldean, eta manifestazioa antolatu dute, gaur zortzi, Bilbon.