HIZPIDEAK

Bi sari Ciudadanosi

Martxelo Otamendi Egiguren -

2018ko abuztuak 3
Aurrera aterako den jakin gabe arriskugarria izan liteke iritzi erabatekoa ematea, baina egin dezagun irudimen ariketa bat. Eman dezagun aurrera aterako dela Espainiako Kongresuan eserlekuak lortzeko hauteskunde legean egin nahi duten aldaketa murriztailea. Alegia, Espainia osoan %3 lortzen ez duten alderdiek eserlekuen banaketatik kanpo geratuko dira. Aldaketa horren ondorioz, nor bere aldetik joanda, EAJ hala nola EH Bildu eserlekurik gabe geratuko lirateke, eta, elkarrekin joanda, batasun irudiaren efektua beharko lukete eserleku banaketan sartu ahal izateko.

Bitxia da: Espainiako hauteskundeetara bi alderdi horiek elkarrekin joateko saio guztiek urteetan huts egin eta gero, Cuidadanosen proposamen patriotikoak lortuko du abertzaleen arteko elkarlana. Azkenaldian bi sari eman beharko lizkiokete alderdi horri abertzaleek. Lehena, Nafarroako hauteskundeetan aurkeztu eta alferrikako ia 10.000 boto lortuta erraztu zuelako aldaketaren aldeko gehiengoa osatzea; eta bigarrena, haren proposamena aurrera ateraz gero, alderdi abertzaleak elkarrekin joatera behartuko dituelako. Non eta, elkarrekin ez joateagatik, batzuek zerrendakidea ez duten Katalunia aldean bilatzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna