HIZPIDEAK

Film bat dantzarentzat

Jon Ordoñez Garmendia -

2018ko uztailak 21
Loreak eta Lasa eta Zabala filmak izan ziren 2014an. Amama 2015ean. Handia 2017an. Eta Dantza aurten. Telmo Esnal lehen aldiz izango da Donostiako Zinemaldiko sail ofizialean. Emanaldi berezien atalean erakutsiko dute haren azken lana, Dantza, eta, hala, Zinemaldiko sail nagusian beste euskal film batek hartuko du aurreko urteetan hor izan diren produkzioen lekukoa. Ukaezina da azken urteetan ekoitzi diren euskal filmen maila, eta horren adierazgarri da Donostiakoa bezalako jaialdi bateko sail ofizialean euskal zinemak egin duen lekua. Jose Luis Rebordinos Zinemaldiko zuzendariak atzo azpimarratu zuen zaila dela horrelako film bat lehian izatea, bere ezaugarriengatik, baina aitortza hori merezi duelako dagoela hor.

Filmaz eta euskal zinemaz haratago, dantza tradizionalari bultzada emateko ere balioko du Dantza sail ofizialean egoteak. Juan Antonio Urbeltz ondoan izan du Esnalek grabaketan —baita Koldobika Jauregi ere—, eta Euskal Herriko dantza talde onenetako dantzariek hartu dute parte: Argia, Duguna, Kezka, Arkatiz, Haritz... Dantza taldeei ez zaie beti behar bezala aitortzen milaka neska-mutilekin egiten duten lana, eta herri honetako ondare immaterial adierazgarrienetako baten transmisioan egiten dutena. Fokuen argitan ikusgarritasuna emango dio Dantza-k. Dantza, film batentzat, eta film bat, dantzarentzat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna