HIZPIDEAK

Borroka isila

Jakes Goikoetxea -

2019ko otsailak 8
Amiantoak eragindako gaixotasunen eraginez, 35 lagun hil ziren iaz Araban, Bizkaian eta Gipuzkoan. Zenbatutakoak dira 35. Askoz ere gehiago izan daitezke, Asviamiek ohartarazi duenez. Arabako, Bizkaiko eta Gipuzkoako amiantoaren biktimen elkartea da Asviamie. Hego Euskal Herrian 12.000 lagun daude amiantoarekin lan egin duten langileen erregistroan.

Desoreka nabarmena dago amiantoaren kalteen eta kalte horiek duten eraginaren eta oihartzunaren artean. Eragina eta oihartzuna Administrazioan, epaitegietan, gizartean eta komunikabideetan.

Amiantoak kalte egindakoak eta amiantoak hildakoen senideak bakarrik borroka egitera kondenatu dituzte. Biktimen elkarteen eta sindikatuen laguntza baino ez dute auzitegietako bide luze eta korapilatsua egiteko.

Heriotza isilak eragiten ditu amiantoak. Isiltasuna komeni zaie amiantoa ekoizten, zabaltzen, arautzen, erabiltzen eta kalteak kudeatzen aritu direnei. Izan ere, amiantoaren kalteak ezagunak ziren XX. mendearen lehen erdian; baina enpresek amiantoa ekoizten, erosten eta erabiltzen jarraitu zuten, eta administrazioek amiantoaren erabilera baimentzen.

Amiantoaren kalteak ezkutatzen aritu dira, guztiak. Langileak babesik gabe uzten, gaixotu aurretik eta gaixotu ondoren. Eskandalua behar luke. Borroka isila baino ez da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna