HIZPIDEAK

Errebotea jo du pilotak

Martxelo Otamendi Egiguren -

2020ko irailak 17

Oso egoera larrian egon behar dute Baiko Pilota enpresako pilotariek herenegun eskaini ziguten irudia osatzera iristeko. Ez da pilota, ez da izan orain arte behintzat, kirol bat horrelako irudiak maiz eskaini dizkiguna. Pilotaleku batean urte askotan ikusi gabeko irudia erakutsi, eta entzun gabeko salaketa kaleratu zuten enpresa horretako pilotari ia gehienek. Logikak diosku oso egoera larria bizitzen ariko direla ezohiko urratsa egin duten 16 pilotari horiek.

Bati baino gehiagori gogora etorriko zaio 1988ko apirilean AEBetako puntistek, IJAPA sindikatua osatuta, hasi zuten greba luze eta gogor hura. Alde handia dago, ez dago dudarik horretan, bi ekinbideen artean. Baina herenegun Beotibar pilotalekuan aurpegia eman zuten pilotariek jarrera sendoa erakutsi zuten, batasuna ere bai, adierazpena egiteko orduan.

Salaketa egin zuten pilotariek Jose Ramon Garai zuzendari nagusiarengan biltzen dituzte kritika eta jarrera okerrak, «jasan» aditza erabiltzeraino. Garaik ardura hori hartu zuen unea seinalatzen dute pilotariek egoera txarraren abiagunea.

Pilotariek aitortzen dute pilotaren mundua osatzen duten guztiak une zailak ari direla bizitzen; egoera horri aurre egiteko orduan beste jarrera bat eskatzen diote Baiko Pilota enpresari. Erreboteraino bota diete pilota pilotariek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

PCR proba bat, Gurutzetako ospitalean. ©Luis Jauregialtzo, FOKU

Gero eta gaixo gehiago daude ZIUetan

Uxue Rey Gorraiz

Beste 387 kasu atzeman dituzten Bizkaian, Gipuzkoan eta Araban. 57 gaixo daude ZIUetan hiru lurralde horietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna