Albistea entzun

HIZPIDEAK

Hitzari kasu

Mikel P. Ansa -

2018ko uztailak 11 - @peruarenaansa

Porrot baten historia izan dira sexu erasoen kontrako Espainiako lege erreformak. 1995ean Zigor Kodea berritzeko aldaketa handiak egin, eta, tartean, emakumeen kontrako sexu erasoen tipifikazioa aldatu zuen. Ordura arte legeetan bortxaketa gisa agertzen zena desagertu zen. Bi arrazoi, atzean: batetik, garaiko moderniarentzat, andreen ohorearen kontra egindako delitu bat adierazten zuen bortxaketa terminoak; arkaikotzat zuten, eta PSOEk bilatzen zuen termino bat adieraziko zuena sexu erasoak emakumeen askatasun sexualaren kontrako erasoak zirela. Bide horretan erori zen bortxaketa terminoa Espainiako legeetatik. Bestetik, Zigor Kode berriak bilatu zuen sexu erasoen tipifikazio zehatzagoa egitea; horregatik bereizi zituzten sexu abusuak eta sexu erasoak. Aurrerantzean, sexu erasoa izateko —alegia, lehen bortxaketa zenaren pareko delitua—, indarkeriaz gertatu beharko zuen erasoak. Paradoxa bat: 1995ean, PPk ohartarazi zuen legearen ahuldade horretaz, aurten Iruñeko Justizia Jauregian gertatu dena iragarriz bezala; alegia, Zigor Kode berriak aukera utziko zuela bortxaketa gisa ez hartzeko ordura arte bortxaketatzat hartu zirenak. 2003an jarri zioten adabakia Zigor Kodeari: bortxaketa terminoa zuzenean sartu ez, baina sexu abusuagatik zigortuak bortxaketaren errudun gisa kalifikatu zituen. Aldrebeskeria aldrebeskeriaren gainean. Orain PSOEk beste erreforma bat agindu du. Eta, terminoei buruzko eztabaida antzuak baztertuta, behingoz emakumearen hitzari eta asmoei kasu egingo diotela ematen du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.