«Espioitza» eta «talde terroristekin» harremanetan jarri izana egotzita, Indiak kanporatu egin ditu Pakistanek New Delhin zituen diplomazialarien erdiak. Indiako Atzerri Ministerioak ere erdira murriztuko ditu Islamabaden dituen ordezkariak. New Delhiko iturrien arabera, Islamabadeko Polizia «jazarri» egin zitzaien hainbat egunez Atzerri Ministerioko bi ordezkariri, eta «bahitu» egin zituen.
Islamabadek ukatu egin ditu Indiaren akusazioak, eta salatu du herrialde hori maiatzetik ari dela «Pakistanen izen ona zikintzeko ahaleginetan». Bi herrialdeen arteko harremana gatazkatsua izan da 1947tik, independentzia lortu zutenetik.
Indiak Pakistango diplomazialariak kanporatu ditu
Iruzkinak
Ez dago iruzkinik
Ordenatu