HIZPIDEAK

Tematiak berean

Martxelo Otamendi -

2019ko urtarrilak 4

Ez dute amore ematen Nafarroako Auzitegiko epaile batzuek 2016ko sanferminetan neska bati, kritika gogorrak jaso zituen sententziaren arabera, «taldekako sexu abusua egiteagatik» kondenatutakoen auzian. Arrazoi du defentsako abokatuak esaten duenean epaile horiek «kontsekuenteak» direla aurretik hartutako erabakiarekin: oker egin zuten orduan, eta oker egiten segitzen dute.

Askotan eztabaidatu da, salatu ere bai, Espainian, kasu batzuetan, abusatu egiten dela behin-behineko espetxeratzeaz; maizegi erabiltzen dela, horretarako arrazoirik ez dagoenean. Espainiako Barne ministro eta magistratu ohi Grande-Marlaskak berak esan zuen, irailean egindako elkarrizketa batean, oso kasu berezietan erabili behar zela bakarrik.

Epaiketa aurreko behin-behineko espetxeratzea gertatzen denean izaten da abusu hori, baina sanferminetako auzia oso bestelakoa da. Kasu horretan, zigorraren ondorengo behin-behineko espetxeratzeaz ari gara, epaiketa egin zelako eta magistratuek zigorra ezarri zietelako lehen akusatuak eta orain zigortuak direnei. Handia da aldea, epaiketa aurreko eta ondorengo behin-behineko espetxeratzeen artean bederatzi urteko zigor bat dagoelako, nahiko arrazoia izan beharko lukeena zigortuek Espainiako Gorenaren azken erabakia kartzelan entzuteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna