HIZPIDEAK

Maduro ez da Bolsonaro

Amagoia Mujika Tolaretxipi -

2019ko urtarrilak 11
Europako Batasunarentzat Jair Bolsonaroren hautua «herritarren aukera errespetagarria» izan zen, «Brasil instituzio soilak dituen herri demokratikoa delako», eta, beraz, ez du arrazoirik herrialdearekin harreman ekonomikoetan ez sakontzen jarraitzeko, orain arte bezala. Agerian geratu da, ordea, nolako instituzioak dituen Brasilek, botere politiko, ekonomiko eta erlijiosoen trikimailu eta iruzurren produktua baita Bolsonaro. Dekretu bat sinatu zuen atzo Brasilgo Amazonia eta indigenen lurrak nekazaritza eta meatzaritza ustiatzaileen esku jartzeko, baina ez du garrantzirik indigenak desagerrarazteak, beste herri horiek, ezta haien kulturak eta hizkuntzak ere, «herri demokratikoa» bada dekretuz erabakitakoaren atzean dagoena.

Nicolas Maduro, berriz, ez du Venezuelako presidentetzat onartu EBk, herri hartako bozak ez zirelako «libreak eta justuak» izan. Venezuelarrak itotzeko ura botatzen ari da EB ere, azkenaldian AEBen laguntzaz GL Limako Taldeak eragindako korrontean bat eginez. Venezuelako «diktadurari eta krisi humanitarioari» irtenbidea emateko asmoz sortu zuten GL, esan gabe neoliberalismoaren beste pieza bat direla, Latinoamerikako XXI. mende hasierako ezkerreko zikloaren kontraerasoan, herritarren izenean, betiere, demokraziaren alde.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna