Albistea entzun

HIZPIDEAK

Legea nahieran

Mikel P. Ansa -

2019ko ekainak 1 - @peruarenaansa

Sindikalistek lehenago ere izan dituzte aski arazo justiziarekin. Ez da hainbeste denbora, pare bat urte, Espainiak indargabe utzi zuela zigor kodeko 315.3 artikulua. Langileak grebara behartzen zituzten langileei hiru urte arteko kartzela zigorra emateko aukera jartzen zuen artikulu horrek. Kongresuak atzera bota zuen. Baina artikulu hori indargabetuta ere, sindikalismoari ukabilak jaitsarazteko tresnak baditu justiziak, eta hori utzi du agerian Iruñean eman duten azken ebazpenak. LABeko kide bati 21 hilabeteko kartzela zigorra ezarri diote, jatetxe batean egindako protesta batengatik. Baketsua izan zen protesta, bortizkeriarik gabea. Gerora, gainera, akordioa egin zuten langileek eta jatetxeko jabeek, eta jarritako salaketak kendu zituzten. Ordurako, baina, fiskalak beretzat hartua zuen salaketa, eta koakzioagatik LABeko kideari jar ziezaioketen zigorrik gogorrenetakoa eman dio epaileak akenean: 21 hilabeteko kartzela zigorra. Fiskalaren eta epailearen jokabideak erakusten du intentzio politiko bat, baina politikariek ere halaxe erabiltzen dute zigor kodea, xede politiko hutsez. 315.3 artikulua, adibidez, grebak kamusteko sortu zen. Beste batzuetan, legeak nahita mantentzen dira zirrikitu anbiguoekin. Hori da koakzio delituarekin gertatzen dena: zehaztugabetasun ageriko bat du, eta epailearen interpretazioaren mende geratzen da sarri. Eta, horrela, segun eta zeinek interpretatu, erabil liteke nahi diren jarduerak nahieran zigortzeko: adibidez, gustuko ez diren praktika sindikalak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.