Albistea entzun

HIZPIDEAK

Coca-Colaren COP27

Iñaki Petxarroman -

2022ko azaroak 9 - @petxarroman

Iaz ere, Glasgowko COP26 klima aldaketari buruzko goi bileraren sustatzaile nagusietako bat zen Coca-Cola, beste hamaika enpresa oso kutsatzailerekin batera. Guztien artean, Frantziak baino CO2 gehiago isurtzen zuten enpresak ziren Nazio Batuen Erakundearen klimari buruzko bileraren finantzatzailerik handienak. Aurten ere, hor dago Coca-Cola, Egiptoko bilerako finantzatzaile nagusien tokian.

Ingelesez greenwashing esaten diote enpresa kutsatzaile askok egiten duten marketin faltsuari. Zuriketa berdea izan daiteke horren euskarazko itzulpena. Coca-Colak erabilera bakarreko 100.000 milioi botila inguru ekoizten ditu urtero-urtero, eta, hala, plastikozko zabor sortzailerik handiena da.

Atzo, NBEk ohar bat egin die enpresa eta erakundeei: ez diezaiotela euren buruari zero isurtzaile neto izendapena ezarri erregai fosiletan inbertitzen duten bitartean. Izan ere, jendaurrean berdez jantzita agertzen diren bitartean, patrikak betetzen dituzte erregai fosilen putzu beltzetako diruarekin. Parisko Ituna sinatu eta zortzi urtera, inoizko zortzi urterik beroenen ostean, broma gutxirako dago jendea, bereziki arazoaren aurpegirik latzena jasaten ari diren herrialde pobretuetan. COPek sinesgarritasun arazo bat du, eta lorpenen bat behar du, erakutsi nahi badu, Morauren kantuak dioen legez, Coca-Cola lata bat baino gehiago dela utopia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.