HIZPIDEAK

Epaile bat bakarrik balitz

Iñaki Petxarroman -

2018ko azaroak 7
Estrasburgoko auzitegiak arrazoia eman die Bateraguneko auzipetuei, eta deliberatu du ez zutela «epaiketa bidezko» bat eduki. Auzitegiak ebatzi du Angela Murillo epailea ez zela inpartziala eta, horren ondorioz, epaiketa ere ez zela hala izan.

Eta horri kateatuta geratu zaizkio Espainiako hedabideak, ilargia seinalatu beharrean hara seinalatzen duen hatzari begira geratzen dena bezala. Zeren eta gaitz erdi Espainiako Justiziaren arazo bakarra epaile baten kontua balitz... Ez baita ahaztu behar Otegik, Jacintok, Rodriguezek, Diezek eta Zabaletak behin baino gehiagotan jarri zutela helegitea Murilloren eta aretoko beste epaileen erabakiaren kontra. Bada, ez Gorenak eta ez Konstituzionalak ez zuten galarazi zigortuek espetxe zigor luzeak betetzea, ezta azken egunera arte betetzea ere.

PSOEren gobernuaren estrategiaren parte izan zen Bateragune auzia. Helburua zen ezker abertzalea zatitu eta ETAren amaiera azkartu nahi zuten buruzagi independentisten bidea trabatzea. Polizia operazioaren eta Baltasar Garzon epailearen instrukzioaren ostean, epaiketak, errekusazio eskariak eta helegiteak heldu ziren gero. Orain, berriz, Estrasburgoko Auzitegiaren hamaikagarren zaplaztekoa Espainiaren sinesgarritasunari. Ez da epaile aho zabal baten kontua bakarrik, demokrazia baten oinarrizko printzipioak bermatu nahi ez dituen estatu batena baizik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna