HIZPIDEAK

Aldaketaren mapa

Amagoia Mujika Tolaretxipi -

2019ko otsailak 1
Bai, Nafarroak badu udal mapa berria, baina azken segundora arte aldaketaren mapa politikoa desitxuratzeko arriskuan egon da, eta arnasari eutsi behar izan diote gobernuko ordezkariek, segundo horren menpe egon baita aldaketaren indarren legealdia bururaino eramateko borondatea, Orain Bairen eta Ahal Dugu-ren arteko saltsa dela eta. Lau sektore ideologikoren adostasunari esker gertatu zen aldaketa, eta sektore guztiek bat eginda amaitu beharko lukete legegintzaldia, datorren maiatzeko hauteskundeetara begira gobernu hautsi baten itxurak zapuztu ez dezan Nafarroan gauzatu den eredu berriak beste lau urtez jarraitzeko aukera.

Izan ere, hauteskunde plebiszitarioen itxura izango dute berriz ere, nahiz eta kanpainan nork berea defendatu behar horrek egoeraren larritasuna lausotuko duen. Baina ez al du hor jarraitzen Podemosen oinarrizko argudioetako batek? Espainiako 78ko erregimenarekin segitu edo ez, aldaketetan sakontzen jarraitu edo atea parez pare zabaldu oposizioan jokoz kanpo eta deseroso dagoen kasta eta elite horri, betikoa egiten jarrai dezan, zergatik, eta itxuraz ez hankarik eta ez bururik ez duen Orain Baikoen ikuskizunagatik, haien boto emaileen desmobilizazioa elikatzen baitu, eta boto guzti-guztien beharra egongo da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna