HIZPIDEAK

Hitzak, su artean

Iñaki Petxarroman -

2020ko irailak 16

Kiskaltzen ari den Kalifornian pare bat ordu eman ditu Donald Trump AEBetako presidenteak, eta lasaitzeko eskatu die herritarrei: «Laster hoztuko du!». Zientzialariek aipatzen duten berotze prozesua gutxietsi du, berriro: «Ez dut uste zientzialariek dakitenik zer gertatuko den». Klima krisiari buruzko eztabaida pil-pilean dago AEBetan. Sute eta urakan denboraldia oso gogor jotzen ari da berotegi gas gehien isuri duen herrialdea. Gertutik jasotzen ari dira, beraz, eurek jarritako hazien fruitu mikatzak.

Arazoa, baina, Trumpen negazionismotik harago doa. Atzo, Bioaniztasunari Buruzko NBEren Konbentzioak 5. txostena aurkeztu zuen, eta ohartarazi zuen 2011-2020rako sinatzaileek hartutako 20 helburuetatik bakar bat ere ez dela guztiz lortu. «Urte gutxi ditugu desagertze masibo bat eragozteko», ohartarazi du David Cooper txostenaren egileetako batek. Halaber,«etsigarritzat» jo du herrialdeen jokabidea.

Atzo jakinarazi zuen Munduko Meteorologia Erakundeak amaitzear den hau izan dela inoizko udarik beroena ipar hemisferioan. Azken bost udak ere halaxe joan dira. Ez du hoztuko, Trumpek iragarri moduan. Bitartean, gobernuen ekimen faltari herritarren presioa heltzen ari zaio. Orain, Espainiako ekologistek eraman dute gobernua auzitara. Ekintzarik ezean, hitzak su artean erretzen baitira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Herritar batzuk kalean maskara jantzita, Frantzian. ©CAROLINE BLUMBERG / EFE

Birusaren bigarren oldarraldia

Jone Bastida Alzuru

Kasuek ugaritzen jarraitzen dute munduan, eta hainbat herrialdek neurriak zorrozteko erabakia hartu dute. Israelek joan den ostiralean indarrean sartutako itxialdia gogortu du

Langile batzuk kaleak desinfektatzen, atzo, Azkoienen (Nafarroa). ©Idoia Zabaleta / Foku

Bigarren egunez, 800 kasu baino gehiago atzeman dituzte Hegoaldean

Uxue Rey Gorraiz

Osakidetzak jakinarazi du 9 urteko ume bat hil dela, birusa izanda. Positiboek gora egin dute Araba, Bizkai eta Gipuzkoan; Nafarroan, ez

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna