Albistea entzun

HIZPIDEAK

Liburutegi bat Txillardegiri

Eider Goenaga Lizaso -

2022ko urtarrilak 14 - @EiderGoenaga

Aitzindaria izan zen Jose Luis Alvarez Enparantza Txillardegi jardun zuen arlo guztietan. Ekarpen handiak egin zituen, bereziki, hizkuntzalaritzan, literaturan eta politikan. Hizkuntzalaritzan, hark jarri zuen euskara batua eraikitzeko lehen harria, Koldo Mitxelenarekin batera, eta beti nabarmendu zuen euskarak izan behar zuela naziogintzaren ardatz; literaturagintzan, berriz, Txillardegik esan zuen arren berarentzat jarduera marjinala zela, euskal literatura modernoaren lehen nobela idatzi zuen Joseba Leturia pertsonaiaren inguruan; eta politikan, ETAren sortzaileetako bat izan zen, baina baita ezker abertzale barrutik erakunde armatuaren jardunari kritika ozena egin zioten lehenengoetako bat ere.

Hamar urte dira gaur Txillardegi falta dela, eta hamar urtek emandako perspektibak are handiago eta garrantzitsuago bihurtzen du haren ekarpena. Badago zer aitortua. Ugariak dira aitortza eskaerak; dozenaka sinadura batu dituzte Donostiako Udal Liburutegiari haren izena jartzearen alde, eta izen esanguratsuak daude tartean, baina eskaerak ez du fruiturik eman.

Aitortza hori ukatzea ez da hutsala, ordea. Haren ekarpenari balioa kentzea du helburu, baina haren memoria ezabatu nahi izateak herri honen historia hurbila ukatzea ere badakar.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.