HIZPIDEAK

Mesfidantza mozioa

Jon Ordoñez Garmendia -

2019ko uztailak 26
Mus partida batean karta eskasak izanik hordago bat galdu eta aurkariari zer egin behar duen esaten dion hori da Pedro Sanchez. Bigarren aldiz egin du huts Espainiako presidente izateko inbestidura batean. 2016an, Ciudadanosen babesa zuen, baina kontrako 219 boto jaso zituen bere izendapenak. Orain, hauteskundeak irabazi izanak ematen duen babesarekin aurkeztu da inbestidurara, baina emaitza berdina izan da, kontrako botoak 155 izan diren arren. Presidente izateko Sanchezek Kongresuan irabazi duen bozketa bakarra Rajoyren kontrako zentsura mozioarena da. Garbi dago zerk eraman zuen PSOEko hautagaia Moncloara orduko horretan, baina sobera ere berak ez du ondorio hori atera 2016ko eta 2018ko esperientzietatik.

Bi hilabete dituzte orain Kongresuko alderdiek Sanchez edo beste norbait presidente izendatzeko. PSOE eta Unidas Podemosek aste honetan ministerioak eta idazkaritzak nola negoziatu dituzten kontatuz eman duten ikuskizunaren ondoren, litekeena da hauteskundeak izatea berriro. Esan baitaiteke konfiantza moziotik beste muturrera iragan direla Espainiako eskuinaren aurrean beste bide bat marrazteko ardura dutenek, mesfidantza moziora. Konfiantza da gehiengorik ez duen hautagai batek presidente izateko duen kartarik onena, eta Sanchezek horrekin jokatzen jakin ez duelako galdu du hordagoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna