Albistea entzun

HIZPIDEAK

Al-Faraj, Xamo eta Von der Leyen

Amagoia Mujika Tolaretxipi -

2021eko apirilak 14

Ascia Al-Faraj Kuwaiteko blogariak eta Xaima Xamo medikuak isiltasuna apurtzea lortu dute, ehunka emakume sexu erasoak salatzera animatuz sarean. «Aldaketa iraunkorrik ez dagoen bitartean, ez gaituzte isilaraziko», aldarrikatu zuen Al-Farajek. Ez naute isilaraziko orria jarri zuen ondoren Xamok Instagramen. Ekialde Hurbilean oihartzun handia izan dute haien ekinbideek. Kuwaiten sortu dute halako behar bat hainbat parlamentarik eraso matxisten kontra legeak egin behar direla esateko. Esanak esan, batzorde bat ere eratua dute xede horrekin: batzordekide guztiak gizonak dira. Zer espero liteke hortik, aitak eta senarrak giltzapetuta bizi diren herrietako emakumeentzat?

«Legeen aurretik, jendearen pertzepzioa aldatu beharra dago», Xamoren ustez. Eta legeak eta pertzepzioa aipatuta, ezin ekarri gabe utzi Istanbulgo Akordioa eta haren ondorena. Europako Batasunak kritikatu egin du Recep Tayyip Erdogan akordio hartatik atera izana; Charles Michel eta Ursula von der Leyen EBko buruek, baina, harekin bilera egin dute gutxira, Turkiarekin harremanak goxatu beharrez: Von de Leyen aulkirik gabe utzi dute Erdoganek eta Michelek. Erdoganek antolatutako harreraz ez da harritu Michel. Pertzepzioa zer den.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.