Albistea entzun

HIZPIDEAK

Itzulera, ederra?

Oihana Elduaien Uranga -

2022ko apirilak 30 - @oihanaelduaien

Ze ederra izango den itzulera, elkarren besoen zabalera, zure fede guztiei eustea, zure min malkoak baretzea». Izaroren Errefuxiatuena abestiaren hitzak dira. Eta, bai, irudi luke itzulerak ederra izan behar duela. Baina itzulera denak ez dira berdinak, eta itzulera gehienak ez dira errazak. Nekeza da sinesten Ukrainako gerran ihesari eman ziotenek itzulera ederra izago dutela. Zer topatuko dute itzuleran? Baina zer dago ihesean?

Joseba Sarrionandia idazlearen hitzak dira, hainbat urtez errefuxiatuta bizi denaren esperientziaz: «Nekez uzten du bere sorterria, sustraiak han dituenak». Eta ukrainarren kasuan bezala gerra batetik ihes egiteko uzten duenean, zer topatzen du doan leku horretan? Etorkinen integrazioari buruzko jardunaldiak egin dituzte Bilbon, eta han salatu dute: immigrazioaren gaia agendatik desagertu da, baina integraziorako arazoak ez dira desagertu.

Ukrainarrak ez dira migratzaileen artean egoerarik okerrena topatu dutenak. Baina, hala ere, itzultzen ari dira batzuk. Gerra ez da amaitu, baina guda ez dago beraien bizilekuetan. Dauden tokian egotea baino nahiago dute gerra pasatu den edo pasa daitekeen tokira itzultzea. Eñaut Elorrietaren Deserriko kantak diskoan agertzen dira Sarrionandiaren hitzok: «Deserria da otsoak dauden basoetan sartzea, eta otso gabeko basoetan ere bai».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...