Albistea entzun

HIZPIDEAK

Irak...

Amagoia Mujika Tolaretxipi -

2022ko maiatzak 20 - @mmuxika

«Izoztutako errepide bat igarotzen ari den mozkor bat bezala ibiltzen da [George W. Bush]. Badaki beste aldera iritsiko dela, baina ez daki aurretik zenbat aldiz irristatuko den». Fox kateko esatari batek esan zuen hori, AEBak txantxa gutxitarako zeudenean, irailaren 11ko atentatuen ostean. Nahi gabe komiko bilakatua zen presidentea, ezjakintasunaren maila agerian uzteak bera ez beste guztiak gorritzen zituen garaian, eta esaldi absurdo bezain gogoangarriak utzi zituen.

Umorea gauza serioa izan daiteke, eta hainbat egoera txantxaz hartzea arriskutsua, zenbait kasutan; zer esanik ez, munduko gobernu boteretsueneko burua izanda, baina Bushen umore grotesko inprobisatuak ez zuen gehiagorako eman: buru gutxi duen umearen hanka sartzeetan geratu zen.

«Uste dut denok bat etorriko zaretela iragana amaitu dela», esan zuen inspiratuta zegoen halako batean, eta bai, halaxe da, atzo ez da gaur, baina iragana datorkio Vladimir Putinen absolutismoaz ari dela: «Eta gizon bakar batek erabakitzen du justifikaziorik gabeko inbasio bortitza abiatzea Iraken kontra... zera... Ukraina esan nahi dut». Adierazitakoaz konturatuta, adinari egotzi dio gertatutakoa, eta entzuleak barre egin du, duela bi hamarkada hau esan zuenean egin bezala: «Hau diktadura bat balitz, dena askoz errazagoa izango zen, baldin eta ni izango banintz diktadorea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...