HIZPIDEAK

Erabaki onartezina, lehen eta orain

Martxelo Otamendi Egiguren -

2018ko ekainak 22
Nafarroako Auzitegiak sanferminetako sexu abusuen egileak behin-behinean libre uzteko atzo hartutako erabakia ez da ulergarria ez onargarria, are gutxiago epaiketa aurretik orain kondenatuen defentsak behin eta berriro haien askatasuna lortzeko egindako eskaerak auzitegi horrek berak atzera bota zituenean.

Zer aldatu da? Nafarroako Auzitegiak sententzian sexu abusuagatik kondenatu zituela eta ez bortxaketagatik, eta delitu txikiagoa izanda kalean itxaron behar dutela aldeek Nafarroako Auzitegi Nagusian jarritako helegitearen gaineko ebazpena? Eta lehen instantziako sententzia hark sortu zituen protesta jendetsuak, aditu eta legelari askoren aurkako iritzi sendo eta landuak, nazioartean eduki zuen oihartzuna, eta Espainiako Gobernua Zigor Kodea aldatzeko lanetan jarri izana ez ote dira nahiko arrazoi azken erabakia iritsi bitartean kartzelan edukitzeko?

Jarritako bermea, 6.000 euro, iraingarria da beste kasu batzuetan jarri ohi direnekin alderatuta; eta kondenatuek sare sozialetan zabaldutako mezuetan adierazten duten jarrera ezagututa, arduragabekeria larria da kalean uztea, delitu hori berriro egiteko arriskurik ez dagoela argudiatuta.

Ez ahal da izango atzoko erabakia Nagusitik etorriko denaren aurrekaria!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna