HIZPIDEAK

Diada, etorkizunaren neurgailua

Iñaki Petxarroman -

2018ko irailak 11
Duela urtebete, giro berezia sumatzen zen Bartzelonako kaleetan ospatu zen Diadan. Erreferendumaren atarian, Espainiako Estatuari erronka bota zioten kataluniarrek: demokraziaren bidez, independentzia nahi duten edo ez herritarrei galdetzea erabaki, eta erreferenduma martxan jarri zuten. Estatuaren errepresioaren gordina jasan dute horregatik: espetxea, deserria eta jazarpenik gogorrena. Orain, urtebete pasatu denean, eta estatuaren aurpegirik zabarrena aurrez aurre ikusteko aukera izan dutenean, bakoitzaren jarrera berriz definitzeko momentua da Katalunian.

Adostutako bidea aldarrikatzen ari dira iaz alde bakarreko erabakien alde azaldutako alderdi batzuk. Eta zaila dirudi sinestea, oraingo jarrera aldatu ezean behintzat, estatuarekin irtenbide demokratiko bat adostu litekeela.

Bidea argitzen laguntzeko erabakigarriak izango dira berriz ere herritarren mobilizazio gaitasuna eta erabakitasuna. Erronka handiak ditu Kataluniak. Laster prozesuko gidarien aurka estatuak hasiko duen epaiketan ere oso kontuan izango dute gaur Kataluniak munduari azaltzen dion aurpegia. Nekea eta etsipena usainduz gero, garesti ordain lezakete presoek estatuaren eztenkada. Bartzelonako kaleak izango dira berriro ere etorkizunaren neurgailu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna