HIZPIDEAK

Syriza

Jakes Goikoetxea -

2019ko uztailak 6
Urrun geratu dira Syrizak EB Europako Batasuneko agintariak beldurtu zituen urteak. Urrun geratu da Alexis Tsipras Syrizako buruzagiak Angela Merkeli, EBko gainerako agintariei eta Troikaren beltzezko gizonei erronka jo zien garaia. Brexit-a puri-purian dagoen honetan, gogoratzen grexit-az, Grezia drakmara bueltatzeko eta eurogunea hausteko arriskuaz? Tsiprasek oposizioan eta mobilizazioetan agindutakoak jan egin zituen gobernuan. Herritarrek erreferendumean erreskate planaren baldintzei ezezko biribila emanda ere, beste erreskate bat negoziatu zuen handik astebete eskasera. EBko agintariek kate motzean lotu dute Greziako herritarren ahotsa eta borondatea Bruselako bulegoetara, bileretara eta erabakietara eramatea agindu zuen politikaria. Troikak esandakoak zintzo asko bete ditu, eta herritarrei murrizketak ezarri dizkie urteotan, Europako Banku Zentralaren eta erreskatearen diruaren iturriak ixteko beldurrez.

Greziaren datu makroekonomikoak hobetzen ari dira. Herritarrenak, pobreenak eta erdiko klaseenak, behintzat, ez. Tsiprasen gobernua oraintxe hasi da pentsioak igotzen, BEZa murrizten, lan eskaintza publikoak egiten... Beranduegi, biharko hauteskundeetako inkesten arabera.

Tsipras eta Syriza jada ez dira mehatxua Europako agintarientzat. 2015ean ez zituzten ikusi nahi; bihartik aurrera, agian, faltan sumatuko dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna