Espainiaren «berreraikuntzan» laguntzeko eskatu die Pedro Sanchezek alderdiei eta eragileei. «Leialtasuna eta batasuna» nahi ditu Espainiako presidenteak,COVID-19aren krisiari aurre egiteko,bereziki izan ditzakeen ondorio ekonomikoei begira.
«Nazio berreraikuntzan» dabil Espainia. Gutxi harrapatuko zituen ezustean ikusteak nola erabiltzen ari diren Sanchez eta haren gobernukideak krisi larriaren kolpe bakoitza estatu zentralizatzailea sendotu eta bere errautsetatik berpizteko. Estatua egituratzeko eta Katalunian zein Euskal Herrian aitortza demokratikoa lortzeko izandako zailtasunak ahanzturaren zokora bidali nahi lituzke Espainiako presidenteak.
Aberri Egunaren bezperan, Euskal Herriak ere ikusi du inoiz baino ezdeusagotzat hartu dutela Madrilen. Alarma egoeraren harira estatua birzentralizatzeko «behin-behineko neurriak» behin betirako bihur daitezkeela, Madrilek hala erabakitzen baldin badu.
Koronabirusak gogor jo du Euskal Herria ere. Mila hildakoren langa ez du batere urruti. Milaka eta milaka langabe gehiago daude, eta zenbatezinak dira etorkizunean etor daitekeen egoera ekonomikoaren eta balizko prekarizatze baldintzen beldur direnak. Euskal Herriak ere behar luke bere burua berreraiki, bere modura eta baliabide bereziekin. Sanchez berera doa, ordea.
HIZPIDEAK
Espainia berreraikitzen
Iruzkinak
Ez dago iruzkinik
Ordenatu
