HIZPIDEAK

Darpon izan da suebakia

Jon Ordoñez Garmendia -

2019ko martxoak 15
Eusko Jaurlaritzak eta EAJk ez dute gehiago arriskatu nahi izan. Iazko ekainean lehertu zen Osakidetzako oposizioetako iruzurra, eta Jon Darponek dimisioa eman du azkenean. Nekez uler daiteke borondatezko pauso bat izan dela; hasieran «oportunistak» izatea leporatu zien salatzaileei Osasun sailburu kargutik. Gero, salaketen oinarrian «asmakeriak» zeudela esan zuen. Baina martxoa iritsi da, eta udaberriko hauteskundeen atarian gaitzespen mozioa galduko zutelakoan eta horrek dituen ondorioak ondo neurtuta, urratsa ematera behartu dituzte Darpon eta Eusko Jaurlaritza.

Osasun sailburu ohiak esan zuen Iñigo Urkullu lehendakariak kontrakoa esan arte jarraituko zuela karguan, eta azkenean ardura politikoa —berari hori besterik ez zegokiola esan zuen sailburu ohiak— Ajuria Enearaino iritsi da, lehendakariaren mahairaino. Baina baita harago ere. Zalantzarik gabe, EAJk arazoa errotik moztu nahi izan du. Ez baita ahaztu behar abenduan epaiaren zain geratu zela De Miguel auzia, eta egun batetik bestera atera litekeela goi-kargudun jeltzale izandako zenbaitzuen kontrako espetxe zigorra. Su handiago horren aurreikuspenarekin, EAJk ezin zuen hauteskundeetara iritsi beste su bat piztuta. Arrisku handiegia da bere burua gobernantza onaren ikur izatea nahi duen edonorentzat. Azkenean, Darponen dimisioa izan da suebakia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna