HIZPIDEAK

PSOEren bizikidetza

Mikel P. Ansa -

2019ko maiatzak 17
Pedro Sanchezek gaizki kalkulatu du, edo zail da ulertzen zer gertatu den. Espainiako Senatuko presidente bihurtu ahal izateko, Kataluniako Parlamentuak propio izendatu behar zuen Miquel Iceta, eta horretarako modu bakarra independentisten faborea irabaztea zen. PSOEk ez du negoziatzeko zirkinik egin, eta gertatu behar zuena gertatu da: independentistek ez diote senatari bihurtzen utzi Icetari, eta beraz ezta Senatuko presidente izaten ere. Kasketa harrapatu dute Icetak eta Sanchezek. «Ez da izan Icetari jarritako beto bat», esan du Espainiako presidenteak, «bizikidetzari jarritako beto bat izan da». Independentista katalanek leialtasun parlamentarioa urratu omen dute. Aise erantzun diete Sanchezi eta Icetari: leialtasun parlamentarioa Espainiak apurtu zuen, 155. artikuluarekin. U-1ean botoa ematera joan ziren herritarrei egurra ematea izan zen, bai, bizikidetza lezio bat. Eta gertuago, eta orainera ekarrita, Auzitegi Nazionalak euskal presoen argazkiak erakusteagatik hiru lagun atxilotzea ere izan da bizikidetza lezio bat. Eta baita atzo goizean Josu Urrutikoetxea atxilotzea ere. Lezioa: Espainiak ez du negoziatzen ezertaz inorekin, eta berak hesitzen ditu bizikidetzaren mugak.

Beste hipotesia, maltzurragoa oraino: Miquel Iceta independentisten biktima bihurtu du Sanchezek, nahita, Icetaren irudia garbitzeko, PSCren burua galdeketa bat onartzeko prest agertu izan denean alde guztietatik egurtu dutelako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna