Albistea entzun

HIZPIDEAK

Ura

Mikel Rodriguez -

2020ko uztailak 22 - mrodriguez@berria.eus

Etiopiak eta Egiptok Nilo ibaiaren harira duten gatazka konpontzeko goi bilera garrantzitsua egin zuten atzo. Etiopia bukatzen ari da Pizkundearen Urtegi Handia osatzeko lana, eta Egipto amorrarazi du horrek, hegoalderago dagoen herrialdeak ur hornidura arriskuan paratu liezaiokeelakoan. Tentsioaren harira, gerra solasa ere aipatu da. Gerra, uragatik?

Badira urte dezente nazioarteko hainbat erakundek adierazpenak eta txostenak argitaratzen dituztela errateko ura izanen dela etorkizuneko gatazka anitz pizteko arrazoia; edo, zehatzago erranda, ur baliabideen gaineko kontrola eskuratzea. Ez petrolioa, ez koltana, ez diamanteak, ezta metal preziatuak ere: ura. Oinarrizkoena, bizitza posible egiten duen gaia. Klima berotu eta planeta idortu ahala, funtsezko elementua nork segurtatu borrokan hasiko omen dira gizataldeak.

Zientzia fikziorako iturri ere izan da iragarpen apokaliptiko hori. Gerrarik sortuko al da urarengatik? Zenbateraino orokortu litezke baliabide hori kontrolatzeko gatazkak? Europako eremu idorrenetako bat Iberiar penintsula da. Idorteak arazo handia izan ohi dira eremu anitzetan, baina bertze batzuek klima euritsua dute, edo emari handiko ibaien ibilguen bazterretan daude, eta ez dute baliabide arazorik. Horien artean, Euskal Herria. Ur eskasiaren aurreikuspen apokaliptikoak betetzen badira, eraginik izanen ote du Euskal Herriaren burujabetzaren auzian?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...