Albistea entzun

HIZPIDEAK

Hizkuntzaren inportantzia

Mikel Rodriguez -

2021eko abenduak 2 - @MikelR28

Euskalgintzaren Kontseilua eta katalanaren, galegoaren, asturieraren eta aragoieraren aldeko taldeak hagitz kezkatuta daude Espainiako ikus-entzunezko lege proposamenarekin, hizkuntza gutxituei ez baitie bermatuko gutxieneko kuotarik plataforma handien edukietan. Eta hipotesi bezala ere ez du planteatuko gaztelaniaren tratu berbera ematea bertzeei.

Espainian bazterreko eta ezezagun ikusten dituzte gaztelania ez bertze hizkuntza horiek, baina eztabaidak azken egunetan protagonismo handia hartu du Madrilgo jokaleku politikoan. Eta, garrantzi horren ondorioz, irrati eta telebista tertulietan, sare sozialetan, umorezko saioetan eta iritziak emateko bertzelako plazetan zeresana eman du. Oro har, Espainiako iritzi emaile anitzek ez dute ulertu hizkuntza gutxituen presentzia bermatzeko tema, eta ondorio batekin bat egin dute: auzia ez da politika baldintzatzeko bezain inportantea. Kritika amorratuak, komentario ironikoak, konparazio behartuak, baita ohiko mespretxua ere... iritzi arsenalak mota guzietako armak erabili ditu.

Kuriosoa da hizkuntza gutxituetako hiztunei erratea haien larridura ez dela kontu inportantea, norbait bere garaian arduratu baitzen konstituzio batean hizkuntza bakarrari emateaz jakin beharrekoaren estatusa. Gaiak izanen du, hortaz, inportantziaren bat, bertzeei espazio publikoak ematearen kontrako erresistentzia hain gogorra den honetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.