Albistea entzun

HIZPIDEAK

Izaera erradiala

Mikel Rodriguez -

2020ko urriak 27 - @MikelR28

Ura Ilargian eta pandemia Lurrean. Zientzia fikzioaren ohiko hariak istorio bat sortzeko. Pandemia, ordea, gai terrenala da, eta haren eraginak milaka milioika herritarri zuzenean ari die eragiten egunero. Osasun krisiak, osasunaz haratago, bertze krisi eta egoera anitz azaleratu ditu: krisi ekonomikoa, baliabide ekonomikoen banaketa bidegabea, genero arrakala, publikoaren eta pribatuaren arteko gatazka, eta, bertze bat, lurraldetasun auziak. Bidasoaz eta bortuez hegoaldera, Espainiako Gobernuak martxoaz bertzelako jokabide bat erakutsi nahi du oraingoan. Autonomien estatua egitura funtzionala dela erakutsi nahi du, deszentralizazioa erreala dela, eta erresumako herri guztien beharrak eta nahiak asebeteta daudela.

Martxoan ez zuen horren beharrik ikusi, eta Madrilen erabaki zuen egin beharreko guztia. Oraingoan presio handiagoak izan ditu gauza bera egin ez zezan, eta paradoxak ere gertatu dira; errate baterako, Eusko Jaurlaritza bera izan da alarma egoera sustatu duen eragile nagusietako bat, eta Espainiatik banatu nahi duten mugimendu politikorik ez duten erkidego batzuk, berriz, traba gehien paratu dituztenak. Bertze kudeatzeko modu bat indarrean da orain Hego Euskal Herrian. Baina Espainiako Erresumak izaera erradiala duela erakutsi du berriz ere: Madrilen hasi eta bukatzen dira bide guztiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...