Albistea entzun

Datorren asteko estrenaldiak

Droga kontrolatzeko betiko gerra

Stefano Sollima zuzendari italiarrak 'Sicario' pelikularen jarraipena zuzendu du. Emily Blunt ez dago lan berrian
Benicio del Toro aktorea <em>Sicario</em>-ren bigarren zatian agertuko da, aurrenekoko pertsonaia bera jokatzen.
Benicio del Toro aktorea Sicario-ren bigarren zatian agertuko da, aurrenekoko pertsonaia bera jokatzen. BERRIA Tamaina handiagoan ikusi

Gontzal Agote -

2018ko ekainak 23

Milurteko berrian, drogaren negozioari buruzko generoak film on batzuk utzi dizkigu. Bakar batzuk aipatzearren, hor dira Fernando Meirelles eta Kátia Lunden Cidade de deus film gogoangarria, Ridley Scotten American Gangster, edota, oso bestelako erregistro batean, Martin Scorseseren The Wolf of Wall Street. Pelikula horiek guztiak, bakoitza bere estiloan eta bere modura, drogen inguruan eratutako mundu baten gainean eraiki dira.

Aurreko horien oihartzunik lortu ez bazuen ere, drogekin lotura zuzena duen beste pelikula kanoniko bat egin zuen Denis Villeneuvek 2015. urtean. Sicario zen pelikula horren izena, eta bertan AEBren eta Mexikoren mugako narkotrafikoaren borroka gupidagabea jasotzen saiatu zen, FBIko agente baten begietatik.

Saritu egin zuten 'Sicario'

Emily Blunt aktoreak egin zuen Sicario-n FBIko agentearena, eta harekin batera beste bi aktore ezagunek egin zuten lan thriller hartan: Benicio del Torok eta Josh Brolinek. Askok konparatu zuten Sicario 2000. urtean Steven Soderberghek zuzendu zuen beste film batekin, Traffic ezagunarekin, ziurrenik del Torok ere parte hartu zuelako film hartan. Nolanahi ere, bi filmok oso bestelakoak ziren egitura zein asmoen aldetik.

Oso kritika onak jaso zituen Sicario-k, bereziki goraipatu zizkioten lortutako errealismoa eta erritmo bizia. Genero pelikula izan arren, Villeneuvek Cannesko Sail Ofizialean muturra sartzea lortu zuen, eta bertan izandako harrera onak ahalbidetu zion filmari oihartzun handiagoa lortzea. Ekonomikoki ere negozio ona izan zen: 30 milioi dolarreko (25,8 milioi euro) aurrekontua izan zuen, eta 85 milioi inguru (73 milioi euro) eskuratu zituen.

Sari batzuk ere jaso zituen Sicario-k, baita Oscar sarietarako hiru izendapen ere. Ez zuen batere lortu, baina filma bere horretan ez uztea erabaki zuten ekoizleek. Horiek horrela, Sicario-ren jarraipena prestatzera ekin zioten berehala.

Zuzendari aldaketa

Sicario: Day of the Soldado da jarraipenaren izena. Lehenengoaren aldean, bi dira berri honek aurkezten dituen nobedade nagusiak. Batetik, Denis Villeneuvek zuzendaritza lanak utzi ditu, besteak beste Blade Runner-en segidarekin oso lanpetua izan baita. Haren ordez, mafiaren inguruko Suburra filma zuzendu zuen Stefano Sollima italiarra jarri da kameraren atzealdean.

Bestetik, aurrekoan protagonista izan zen Emily Blunten rola desagertu da Sicario: Day of the Soldado-tik. Beste bi aktore protagonistek, Benicio del Torok eta Josh Brolinek, ordea, saileko bigarrenean segitu dute .

Istorioaren muina ez da sobera aldatu bigarren Sicario honetan, AEBetako eta Mexikoko mugan drogako kartel boteretsuek duten gerrak da oraindik ere gai nagusia. Guztiak kontrolari ihes egiteko arriskua ikusten dutenean, Matt Graver agente federalak Alejandro Gillickengana jo beharko du berriro ere.

'SICARIO: DAY OF THE SOLDADO'

Zuzendaria: Stefano Sollima.

Aktoreak: Benicio del Toro, Josh Brolin, Matthew Modine, Catherine Keener, Isabela Moner.

Herrialdea: AEB.

Urtea: 2018.

Iraupena: 122 minutu.

Generoa: Thriller.

Asteazkenean estreinatuko dute Ipar Euskal Herrian eta ostiralean, Hego Euskal Herrian.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Abenduaren 3ko elkarlaneko TBsaioa

Iparraldeko euskal hedabideek saio berezia egingo dute 11:00etan, Baionan

Urtzi Urkizu

Iparraldeko euskarazko bost hedabideak elkarlanean arituko dira 11:00etatik 12:00etara, 'Euskara, hedabideetatik karriketara!' izenburupean. Zuzenean ikusi ahalko da hementxe bertan

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...