Albistea entzun

Mendia

Larrunarriko mendebaldeko ertz 'integrala'

Tontorretik, Aralar osoa ikusteaz gain, Euskal Herri osoko mendikateak begiesten dira egun urdin eta gardenetan.
Eskaladako azken diedroan.
Eskaladako azken diedroan. X. MUJIKA Tamaina handiagoan ikusi

Xabier Mujika -

2021eko azaroak 16

Aurten 70 urte bete dira Larrunarriko mendebaldeko ertzaren lehen eskalada egin zela. 1951ko urriaren 21ean, Jose Maria Peciña, Jose Arrate eta Anton Saenz de Basagoitiak 5 ordu eta 25 minutu behar izan zituzten ertza lehen aldiz eskalatzeko. Gaur egun ertz horren eskalada da Gipuzkoan gehien errepikatzen dena, eta horman jarrita dauden paraboltei esker, 1951ko denbora erdira jaitsi daiteke.

Ertzaren eskalada amaitzen den lekutik gailurrera oinez iristeko ohitura izaten da. Baina ertzaren ahotik jarraituz gero, Erlabeltzeko puntara iritsi aurretik bada 35 metro inguruko diedro nabarmen bat, soka-luze bakarrean eskalatzen dena.

Lehen luzea, 30 metro, IV. Diedroa tente bat eskalatuko dugu, honen gaineko bilgunera iritsiz.

Bigarren luzea, 25 metro, II+. Ertza etzanetik igotzen jarraitu urkila batekin topo egin arte. Bilgunea urkilan muntatzen da.

Hirugarren luzea, 30 m, III+. Hormaren eskuinean dagoen tximini bertikala eskalatu, eta harkaitz-plaka inklinatu bat eskalatzen jarraituko dugu bilgunera iristeko.

Laugarren luzea, 30 metro, IV-. Harkaitz-plaka amaiera arte eskalatu ondoren, eskuinean dugun erlaitz bat jarraituko dugu tximinia/diedro batekin topo egin arte. Tximinia eskalatu ondoren, erlaitz horizontal bat zeharkatuko dugu «plaka politaren» oinera iritsiz.

Bosgarren luzea, 25 metro, IV. «Plaka polita» eskalatu ondoren, urkila zabal batera jaitsiko gara. Bilgunea urkilaren bestaldean dago, diedro bertikalaren oinean.

Seigarren luzea, 20 metro, IV+. Diedro bertikala eskalatuko dugu. Diedroa ixten den sabaira iristen garenean, ezkerrera horizontalean pasatuko gara erlaitz estu batean dagoen bilgunera iristeko.

Zazpigarren luzea, 35 metro, III. Erlaitz estua zeharkatu ondoren, malda belartsu bat igoko dugu hormatxo bertikal batekin topo egin arte. Hormatxoa eskalatuta bilgunea lurrean topatuko dugu.

Diedroaren eskalada, 35 metro, V. Diedro nabarmena eskalatu ondoren. ezker noranzkoan zeharkaldi bat egingo dugu, sabai baten azpitik pasatuz. Sabaiaren ezkerrean dagoen hormatxoa eskalatu ondoren, bilgunea zinta-uztai batekin harkaitz-bloke batean muntatuko dugu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emerald Warriors errugbi taldeko zaleak eta kideak, 2019an ©Emerald Warriors instagram kontua

Irlandako errugbi federazioak debekatu egin die emakume transei emakumezkoen taldeetan jokatzea

Lide Egizala Urteaga

Federazioaren esanetan, emakume transek «abantailak» dituzte «indarrari, energiari eta gaitasun fisikoari dagokienez». Dublingo The Emerald Warriors LGTBI errugbi taldeak salatu du hartutako neurria «atzerakoia» dela, eta federazioari eskatu dio erabakia atzera botatzeko.

 ©MARIA MENTXAKA / GERNIKA KEBS

«Erronka handia da Mario Lopez ordezkatzea»

Pettan Uralde

Egoera «aproposenean» ez izan arren, «ilusioz» hartu du kargua Montañanak. Beti izan du buruan gauza handiak egitea, baina nahiago du egunez egun joan.
San Pedroko <em>Libia</em> trainerua ziaboga ematen KAE 1 ligako bigarren estropadan, Zumaian. ©ENDIKA PORTILLO / FOKU

Ondo bukatzea geratzen zaie

Aitor Manterola Garate

KAE 1 ligan, San Pedrok du gertuen lehiaketa irabaztea, eta ETE ligan, Hibaikak bideratua du liga nagusira igotzea, bigarren bada ere. Launa estropada falta zaizkie.
Carlota Ziganda golflaria Sitgesko torneoan, jokaldi bati begira. ©ANDREU DALMAU / EFE

Sufrituta, gozatzea lortu du

Ainara Arratibel Gascon

Azken hilabeteetan onenen pare ari da jokatzen torneoetan Carlota Ziganda golflaria. Haren ustez, 'caddie' aldaketa eta lortu duen heldutasuna funtsezkoak izan dira hobekuntza hori lortzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...