«Arrisku bizian», porturatu ezinean

MSF Mugarik Gabeko Medikuak eta SOS Mediterranee GKE gobernuz kanpoko erakundeen Ocean Viking ontzia Mediterraneoan dago. Atzo beste 105 iheslari erreskatatu zituen, eta guztira 356 migratzaile daramatza barruan. Bestalde, Open Arms GKEaren izen bereko ontziko misioburuak atzo nabarmendu zuenez, ontzian doazen migratzaileak «arrisku bizian» daude animikoki. Lampedusatik (Italia) 29 bat itsas miliara dago. Azken egunetan Mediterraneo itsasoko uretan erreskatatutako 159 migratzaileetatik zortzi Maltara ebakuatu zituzten atzo. Ontzian dauden 31 adingabeei asiloa emateko eskatu dio Espainiak Maltan duen enbaxadari.