Eskuz aldatuko da berriz Donostiako Ikor enpresa, zeinak zirkuitu elektronikoak diseinatu eta fabrikatzen dituen. Belgikako Connect Group taldeak erosi du. Ikorrek Donostian dauzka ekoizpen planta bat eta zentro teknologiko bat, 272 langilerekin. Gainera, beste lantegi bat dauka Mexikon (250 langile), eta beste bat Txinan (273 langile).
Urtebetean bigarren aldia da Ikorren jabetza eskuz aldatzen dutela. Iaz, Ebm-papst Alemaniako taldeak erosi zuen osorik. Otsailean, 21 langile kaleratuko zituela iragarri zuen, arrazoi ekonomikoak argudiatuta.
Salmenta berria datozen egunetan burutuko dute. Connect Groupeko kide izango da aurrerantzean Ikor, eta aurreko jabeak partaidetza minoritarioa izango du enpresaren akzioetan.
Donostiako Ikor enpresa erosi du Belgikako Connect Group taldeak
Iruzkinak
Ez dago iruzkinik
Ordenatu