Errusiako Munduko Kopa. ESFERAREN ERTZAK

Mikel Laboak bazekien

Amaia Agirre -

2018ko ekainak 24
Ihes betea zilegi balitz, nunbait balego bakea». Suitzako selekzioan jokatu baina jatorria Kosovon duten Xhakak eta Shaqirik ez lukete bi buruko arranoa irudikatuko euren eskuez. Albaniako banderan ageri da arrano hori. Are gehiago, 2016ko Eurokopara sailkatzeko Serbia-Albaina partida ez zen bertan behera geratuko, bakea erdilarien erdigune eta aurrelarien aurrekari balitz.

«Ni ez nintzake oinazearen menpeko mixerablea, oihu zekenen destinatzaile etsipenaren semea». Suitza, XX. mendeko gatazka eta gerrateen lurralde neutralizatzailea, errusiarren txistu-kabi bihurtu da. Zazpi jokalari balkandarrak dira, Jugoslaviaren desintegrazioaren biktima. Oihu eta irainen hartzaile, probokazio sortzaile.

«Ni ez nintzake inorentzako eskandaluzko kaltea, lur hotz batetan aldatutako landare sustrai gabea». Shaqirik, Kosovon jaio arren, urtebeteko haurra zelarik, Suitzan errotu behar izan zuen. Sekula ez du ahantzi, ordea, nondik datorren eta sustraiak non utzi zituen.

«Ihes ederra zilegi balitz urra ahal baledi katea, ni ez nintzake ontzi gabeko itsasgizon ahalgea». Xhakaren aita ez zatekeen preso politikoa izango Jugoslavia zaharrean, zer eta gobernuaren aurkako manifestazioetan parte hartzeagatik. Kartzelatik atera eta ez luke Suitzako lur arrotzetara ihes joan beharrik izango, familia eskutik hartuta.

«Ni ez nintzake, ni ez nintzake...». Baina, bagara. Ihesaldiak ekarri du Shaqiriren 30 metroko korrikaldia, eta korrikaldiak buru biko arranoaren hegaldia. Futboleko botetan Suitzako bandera eta Kosovoko bandera behin ihesi atera behar izan zuten arbasoen omenez. Beti korrika, lehen ihesi eta orain bila.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna