Sagardo azoka gaur eta bihar Kursaalean

Herenegun hasi zen Sagardoaren Lurraldeak antolatutako Sagardo Foruma. Lehen bi egunetan, sagarrari, sagardoari eta turismoari buruzko jardunaldi teknikoak eta tailerrak egin dituzte Astigarragako Erribera Kulturgunean, eta Nazioarteko Sagardo Lehiaketa ere han abiatu zuten atzo iluntzean. Euskal Herriko eta nazioarteko 30 dastatzailek epaituko dituzte hamabost herrialde ezberdinetako sagardoak, eta bihar banatuko dituzte sariak Donostiako Kursaal jauregian. Izan ere, toki berean egingo da gaur eta bihar sagardo azoka. Bertako eta nazioarteko sagardoak dastatzeko aukera egongo da. 100 sagardo inguru.