Protestak, 0-3 zikloaren defentsan

LAB, Steilas, ELA, CCOO eta UGT sindikatuek deituta, protesta egin zuten atzo «kalitatezko 0-3 ziklo hezitzaile eta seguru baten alde». Salatu zuten ekainaren 8an 0-3 zikloa irekitzea baimenduta, langileen eta umeen segurtasunaren aurretik «interes ekonomikoak» jarri dituztela. Jaurlaritzari haurren eskubideak «erdigunean» jartzeko eskatu zioten, baita 0-3 zikloaren «izaera pedagogikoa» aitortzeko ere. Gainera, itzulera planak hainbat puntu jaso behar dituela uste dute: umeentzako egokitzapen aldia eta ratioen jaitsiera, besteak beste.