Seaskako ikasleen protesta, Bernat Etxepare lizeoan

Seaska Ipar Euskal Herriko ikastolen federazioko ikasleek eta irakasleek azterketak euskaraz egiteko eskubidea aldarrikatu zuten atzo, Baionako Bernat Etxepare lizeoan. Bordelen (Okzitania) ziren protesta egitekoak, baina eguraldia zela eta, bertan behera utzi zuten bidaia. Brebetan eta baxoan egindako azken erreformak deitoratu zituzten, baitaFrantziako Konstituzio Kontseiluak murgiltze eredua konstituzioaren aurkakotzat jo izana ere. «Aski dugu umiliatuak izateaz gure hizkuntzan bizi eta ikasteko nahia aldarrikatzen dugulako. Gure eskubideak errespetatzea eta azterketa ofizial guztiak gure hizkuntzan egitea eskatzen dugu azkarki», esan zuten ekitaldian.