Bozak badaude, EAJk zerrendak errepikatuko ditu

Azaroaren 10ean Espainiako Gorteetarako hauteskundeak egonez gero, EAJk bere Nazio Batzarrari proposatuko dio apirilaren 28ko bozetarako prestatutako zerrenda berbera aurkeztea. Euzkadi Buru Batzarra atzo batzartu zen, eta bertan erabaki zuen proposamen hori egitea. Nazio Batzarra datorren astelehenean bilduko da, Espainiako gobernuburua aukeratzeko epea amaitzen den egunean. Aitor Esteban EAJko diputatua atzo batzartu zen Felipe VI.a Espainiako erregearekin.