Estrasburgo: «Londresen zaintza sistemak giza eskubideak urratu ditu»

Auzitegiak ebatzi du, esaterako, gobernuak ez duela errespetatu adierazpen askatasuna

Ander Perez Zala -

2018ko irailak 14
Erresuma Batuko Gobernuaren zaintza sistema legez kanpokoa dela ebatzi du Estrasburgok, giza eskubideak «urratu» dituelako. Ameriketako Estatu Batuetako Segurtasunerako Agentzia Nazionaleko langile ohi Edward Snowdenek eman zuen zaintza masiborako programaren berri eta, geroztik, kontrako ebazpen judizialak besterik ez ditu jaso Londresek. Azkena atzokoa, Giza Eskubideen Europako Auzitegiarena, adierazi baitu gobernuak ez duela errespetatu pribatutasunerako eskubidea, ez eta adierazpen askatasuna ere, beste hainbat giza eskubideren artean.

Auzitegiak ebazpenean argudiaturikoaren arabera, «ez da behar adina kontrol izan» programa horren inguruan, eta horrek «ahalbidetu du» inteligentzia zerbitzuek askatasuna izatea informazioa gordetzerakoan. Ordea, argi utzi nahi izan du urraketak egin zirela gainbegiratzerik ez zelako izan, eta ez ditu zalantzan jarri programaren izaera eta helburua.

2016an ere, Erresuma Batuko Botereen Ikerketarako Auzitegiak ebatzi zuen CHQ, MI5 eta MI6 inteligentzia zerbitzuek ez zituztela errespetatu herrialdeko pribatutasun legeak herritarrei buruzko informazioa eta datuak biltzerakoan, eta hori guztia gainbegiratu gabe egin zela. Horrez gain, Estrasburgok ebatzi du ez direla «behar bezala» babestu kazetarien informazio iturriak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna