Albistea entzun

2019an baino adingabe gehiago bizi dira orain gerra eremuetan

Igor Susaeta -

2021eko abenduak 1

Iaz 200 milioi adingabe inguru bizi ziren gerra eremuetan. 2019ko datuekin alderatuta, horrenbestez, %20ko gorakada bat izan zen —162 milioi ziren duela bi urte—. Horixe jakinarazi zuen Save the Children GKE gobernuz kanpoko erakundeak, atzo kaleratutako txosten batean. Neurketa hori egiten hasi zirenetik, inoizko kopururik altuena da, 2008koaren ondoren; orduan 208 bat milioi ziren.

Txostenak azpimarratu du gorakada bat izan dela Mozambiken indarkeria agerraldi bat gertatu delako, eta Afganistanen, Kongoko Errepublika Demokratikoan, Nigerian eta Yemenen gatazka egoerek ez dutelako hobera egin. GKEak azaldu du COVID-19aren pandemia eta NBE Nazio Batuen Erakundeak egindako mundu osorako su-eten eskaera ez direla nahikoa izan gerra horiek eteteko. «Hori, sinpleki esanda, izugarria da», kexu agertu da Save the Childreneko zuzendari nagusi Inger Ashing, ohar batean.

Herrialde horiek dira, hain zuzen ere, klima larrialdiaren eraginak modu nabarmenenean nozitzen ari direnak, eta «aurrekaririk gabeko» goseteei aurre egin beharko dietenak.

GKEaren txostenak zehaztu du, gainera, 337 milioi haur bizi zirela adin txikikoak errekrutatzen dituzten talde armatuengandik edo gobernuengandik gertu. 1990ean 99 milioi ziren. 2019an 85 ziren adingabeak errekrutatzen zituzten talde armatuak, eta iaz, berriz, 110.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joseph Ratzinger, 2010eko ekainean, Vatikanoan. 2005etik 2013ra izan zen aita santua. ©ETTORE FERRARI / EFE

Municheko artzapezpiku zela abusuen aurka ezer egin ez izana egotzi diote Ratzingerri

Arantxa Elizegi Egilegor Igor Susaeta

Artzapezpikutzak berak eskatutako ikerketa baten arabera, aita santu emerituak lau sexu abusuren berri izan zuen. 1945 eta 2019 arteko salaketak jaso dira txostenean
MoldovaGaz energia enpresaren egoitza, Chisinaun. Gasaren prezioa bikoiztu egin da azken bi urteetan Moldavian. ©DUMITRU DORU / EFE

Gasak bizimodua zaildu die

Alex Bustos

Gazpromek Moldaviako Gobernuari ohartarazi dio gasa etengo diola urtarrilean zorrak kitatu ezean. Larrialdi egoera ezartzea onartu du parlamentuak.
Gizon bat tabberna bateko ataria garbitzen, Vienan, iazko azaroko itxialdiaren hasieran. / ©CHRISTIAN BRUNA, EFE

Otsailetik aurrera, Austriak 3.600 eurorainoko isuna jarriko die txertatuta ez daudenei

Arantxa Elizegi Egilegor

Parlamentuak gaur bozkatuko du lege proposamena. Otsailaren 1etik aurrera, txertatzera derrigortuta egongo dira 18 urtetik gorako herritarrak.

Kataluniako prozesu independentista sustatzeagatik Espainiako Auzitegi Gorenak espetxeratutako bederatzi buruzagi katalanetako zazpi, iazko ekainean, espetxetik irteten. ©Qique Garcia, EFE

Indultuen kontrako helegiteak bertan behera utzi ditu Espainiako Auzitegi Gorenak

Gorka Berasategi Otamendi

PPk, Ciudadanosek eta Voxek errekurtsoa jarri zioten buruzagi independentista katalanak aske uzteko neurriari, baina auzitegiak ebatzi du ez dutela horretarako gaitasunik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.