Albistea entzun

EDARI KONTSUMOA

Berria -

2018ko otsailak 1

Europako Elikagai Osasunerako Agintaritzak ikerketa bat plazaratu zuen 2013an. Azterketaren helburua izan zen neurtzea zenbat edari energetiko kontsumitzen zen, eta 16 estatutako 52.000 pertsonari egin zieten galdeketa. Gaur-gaurkoz ez dago definituta zein diren edari energetikoak; horregatik, alkoholik gabeko edarien, kafeinadunen, taurina edo bitaminaren bat dutenen eta energetikoen kontsumoa neurtu zuten.

Helduak (18 eta 65 urte artean): Elkarrizketatuen %30ek onartu zuten edari energetikoak hartzen zituela. Horietatik %12 kontsumitzaile handiak ziren; hau da, batez beste, hilabetean 4,5 litro. Eta %11k saio bakoitzean gutxienez litro bat edaten zuten.

Nerabeak (10 eta 18 urte artean): Elkarrizketatuen %68k onartu zuten era arruntean kontsumitzen zituela halako edariak. %12k hilean zazpi litro kontsumitzen zituen, eta %12k saio bakoitzean gutxienez litro bat edaten zuten.

Haurrak (3 eta 10 urte artean): Galdeketan parte hartu zuten %18k onartu zuten halako edariak kontsumitzen zituela. Horietatik %16k esan zuten astean batez beste 0,95 litro edaten zituela. Hilean lau litro inguru.

Alkoholarekin nahasita: Kokteletako osagaietako bat izan ohi dira edari energetikoak. Elkarrizketatutako helduen %56k esan zuten modu horretan hartzen zutela, baita nerabeen %53k ere.

Jarduera fisikoarekin lotuta: Helduen %52k eta nerabeen %41ek onartu zuten edari energetikoak kirola egitean kontsumitzen zituztela.

ADITUEN GOMENDIOAK

Kataluniako Elikagaien Segurtasunerako Zientzialarien Batzorde Aholkulariak egindako txosten batek edari energetikoak erabiltzeko gomendioak eman zituen 2015ean:

Alkohola. Ez nahasi edari alkoholdunekin.

Nork ez luke hartu behar. Haurdun dauden zein bularra ematen duten emakumeek, haurrek, kafeinarekin sentiberak direnek eta bihotzeko zein arazo neurologikoak dituztenek.

Kirola egin ondoren. Kafeinak eragin diuretikoa du, eta, horregatik, jarduera fisikoa egin ondoren deshidratatzeko arriskua handitu egiten da. Kasu horietan, ura hartzea gomendatzen dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mikel Pagadi eta Miren Nogales ©Orio Produkzioak

Miren Nogales izango da 'Herri txiki, infernu handi' saioko aurkezle berria

Urtzi Urkizu

Igandean hasiko da ETB1 'Herri txiki, infernu handi' saioaren bederatzigarren denboraldia ematen. Nogalesen estreinaldia Belauntzan izango da (Gipuzkoa).

Bertsolariak koplatan, Azpeitiko taberna batean. ©GOTZON ARANBURU / FOKU

Giroa epeltzeko, bertsoak

Amaia Jimenez Larrea

Azpeitian ospatu da Bertso Eguna, bertsolarien eta bertsozaleen arteko topagunea. Berrikuntzak izan ditu aurten: arratsaldeko ekitaldiaren ordez, afaria eta saio nagusia izan dira Elikagunean.

 ©ARITZ LOIOLA / FOKU

«Milioika gauza txar ekoizten dira, eta zenbait onak: hori da orain artisautza»

Amaia Igartua Aristondo

1857koa da Gorostiaga denda, eta bide gorabeheratsua izan du, Pirlaren arabera: 1920an, arrakasta; ondoren, gainbehera; sarri uholdeek erasan diote, eta, azkenaldian, ekoizpen industrialak.
Pamela Anderson Kanadako aktorea, <em>Pamela, a love story</em> dokumentalaren fotograma batean. ©NETFLIX

Andersonek hitza hartu du

Urtzi Urkizu

Netflixek 'Pamela, a love story' dokumentala estreinatuko du asteartean. Lan horretan, Pamela Anderson aktoreak bere bizitzaren errepasoa egiten du. Memorien liburu bat ere idatzi du.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...