Sanferminetan denak zuri-gorri jantzi arren, badira nabarmentzen diren pertsona batzuk. Horietako bat da Jesus Garisoain (Iruñea, 1967). Egunero, Alde Zaharreko bizilagunak esnatzeko ardura izaten du, gautxoriei parranda bukatu dela gogoraraztekoa, eta goizean goiz kalera ateratzea deliberatu dutenei eguna musikaz alaitzekoa. Pamplonesa bandaren aurrean du tokia, zuzendari makila eskuan, hark gidatzen baititu dianak.
Klarinete jotzailea eta musikagilea da Garisoain. Zura laukoa taldearen sortzaile eta kide izan zen. 1987an sartu zen Iruñeko musika bandan, eta, orduz geroztik, klarinete tutti aritu da bertan. Ez hori bakarrik: bandako zuzendariordea ere bada. Gainera, zuzendaria izan zen behin-behinean, 1994an, Ricardo Garciak kargu hori utzi zuenean. Bi urte geroago sartu zen Vicent Egea, gaur egungo zuzendaria.
Irakasle ere aritzen da. 1992. urtetik Konposizio Oinarriak ematen ditu Iruñeko Pablo Sarasate kontserbatorioan. 1999an, Ohorezko Saria jaso zuen konposizioan eta instrumentalizazioan, Donostiako Goi Mailako Kontserbatorioan.
SOSLAIA. Jesus Garisoain
Goizeko doinuen gidari
Iruzkinak
Ez dago iruzkinik
Ordenatu