Hondarribiko alardea

Konponbidearen esperoan oraino

Alardetik aparte aritu beharko du aurten, berriz, Jaizkibelek. Aldundiak esan du auziaren «etorkizunerako ibilbide» bat lantzera doazela aurki. «Berandu» ari da, oposizioarentzat

<b>Entseguak.</b> Oihana Etxebarrieta, asteazken ilunabarrean, Jaizkibel konpainiaren azken entseguan.
Entseguak. Oihana Etxebarrieta, asteazken ilunabarrean, Jaizkibel konpainiaren azken entseguan. J.C.RUIZ / FOKU Tamaina handiagoan ikusi

Arantxa Iraola -

2018ko irailak 7

Berritu egingo da bihar irudia Hondarribian (Gipuzkoa). Aparte desfilatu beharko du Jaizkibel konpainiak, aparteko ordutegi batean, herritar gehienak jaietan batzen dituen arma desfiletik lekora. Horretarako dagoen motiboa da emakumeen parte hartze parekidea onartzen duela, eta gainerako konpainiek andrazkoak soilik kantinera rolean onartzen dituztela: usadioaren izenean, argudiatzen dute ezin dutela beste lekurik hartu. Gatazka piztu eta 22 urtera berrituko da irudi baztertzailea, eta zer pentsatu handia eman du beti gatazka honen iraupenak —Irunen ere antzekoa dute, baina han bi alarde dira egun; bat mistoa da; bestea, ez—. Eta haren gordintasunak. Bi herrietan nabarmena izan da aldarri parekidearen aurkako kontrakotasuna, eta jazarpen sistemakoa jasan zuten lehen urteetan horren aldekoek. Ordutik, baretu dira urak, baina auzia konpontzeko dagoela agerian geratuko da gaur berriz Hondarribian.

Gatazka bideratzeko saioen kamustasuna ere ikusiko da. Adibide bat: erakunde arteko mahai bat eratu zuen Gipuzkoako Foru Aldundiak aurreko legealdian auziaz aritzeko. 2017ko apirilean alarmak piztu ziren Gipuzkoako Batzar Nagusietan; azalpenak eskatu zizkioten Bizkidetza zuzendari Maribel Bakerori, eta onartu zuen azken urtebetean bi bider bakarrik elkartu zirela erakunde guztiak. Ordutik aurrerako erritmoa lausoa da. Emakunderen arabera, iazko azaroan egin zuten azken bilera: orain dela ia urtebete, Irun eta Hondarribiko udalik gabe. Hortik aparteko datarik ez du zehaztu aldundiak.

Oposizioak maiz egotzi dio aldundiari legealdi honetan mahai horren geldotasuna, baina Maribel Bakerok esan du fruituak badatozela. Ikerketa bat agindu zuten, eta, horren berri oraindik eman ez badute ere, albisteak iragarri ditu: «Etorkizunerako ibilbidearen inguruan hitz egiteko, erakundeen arteko mahaira deituko dugu behin Hondarribiko jaiak amaituta». Auziarekin lotutako erakundeekin harreman «iraunkorrak» dituztela nabarmendu dute foru gobernuko informazio iturriek: lanean ari direla. Mahaiko kide dira aldundia, Emakunde, EAEko Arartekoa, eta Irun eta Hondarribiko udalak.

Oposizioak ez du inolako susmo onik. EH Bilduren izenean, Gipuzkoako Batzar Nagusietako batzarkide Ainhoa Beola aspaldi ari da esaten «ekin» egin behar dela. Egoera aztertzeko txostenak, mahaia eratzearekin batera, aurreko foru gobernuak egin zituela oroitarazi du; urratsak egiteko aroan dela aldundia: «Oso berandu doa». Ahal Dugu-ko batzarkide Juantxo Iturria ere, kritiko: «Emaitzarik ez da ikusten».

Oposizioko kideek, esaterako, tamalez oroitzen dute ekain honetan bertan Gipuzkoako Batzar Nagusietara eraman zuten erdibideko zuzenketa bat. Irungo alardearen atarian, lau eskari nagusi atera nahi izan zituzten aurrera. Bat: foru gobernuko eta Batzar Nagusietako buruzagiek desfile parekideei babesa erakustera joan behar dutela iritzi zuten, eta eskaria egin zuten «ordezkaritza ofizial bat» bidaltzeko Irun eta Hondarribira. Bi: bi udaletako udalbatzei ere «goi ordezkaritza» bidaltzeko eskaria egitea nahi zen. Hiru: plastiko beltzen kontrako «eskari publiko bat» egiteko eskatu zen. Lau: orain arteko babes ofizialaren faltak egindako mina «erreparatzeko» konpromisoa eskatu zen. EAJk, PSEk eta PPk kontrako boza eman zuten, ordea: ez zen onartu.

Aldundia, plastikoen aurka

Baina puntu horietara hurbiltzen ari dira hilabeteotan. Irunen, esaterako, iragan ekainean, estreinakoz egon zen alarde mistoa ikusten EAJko ordezkaritza bat, Gipuzkoako Batzar Nagusietako lehendakari Eider Mendoza buru. Atzo, halaber, aldundiak ohar bat atera zuen bihar Hondarribian plastiko beltzik ez ateratzeko eskatuz. Kultura diputatu Denis Itxasoren adierazpenak ditu: «errespetua» du hizpide. Aurten ere Hondarribira joango dela iragarri du: bi desfileak ikustera —iaz ere izan zen—. Lehendik egina du urrats hori Irunen. Alde horretatik, EAJkoen irudia da berriagoa; bihar begi asko egongo dira jeltzaleei begira. Izan ere, Markel Olano ahaldun nagusia «sukaldeko lan» isilaren aldeko azaldu da maiz. Baina keinuak egiteko gogoa agerikoa da orain. Gatazka piztu eta 22 urtera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna